Løypene startar på grusbana ved hallen. Etter å ha svinga ut porten vil det vere 70 meter med oljegrus som vi vil dekke med matter. Etter ca 340 meter kryssar løypa riksvegen både ut og tilbake. Her vil vi også legge matte. Elles vil underlaget vere grasmark det meste av løypa med unntak av ca 250 meter med grusveg etter å ha kryssa riksvegen på tilbaketur. 3 km løypa ( blå strek) har ein litt seig bakke på om lag 150 meter før den kjem inn att i 2 km løypa etter rundt 1700 meter (gult møter blått), men byr særleg på eit fint løpestrekk langs elva frå rundt 800 til 1400 meter. Begge løypene får ein 30-40 meter lang bratt bakke opp til riksvegen. Deretter er det fint og lett å springe til ein 20-25 meter lang svært bratt bakke 300 meter før mål. Her i frå er det lett inn til mål med litt unna og flatt. På grunn av mattene trur vi kanskje vanleg 6 mm løpepigg vil vere å anbefale. Klikk på bilda for å sjå løypekart og profil 2 km og 3 km.