FJELLTRIM 2007/2008
Frå mandag 13.oktober startar vi i trimgruppa og bytte ut bøkene. Så nytt sjansen denne veka dersom du har fleire toppar du vil ta i denne sesongen. Premiering vert på årsmøtet til ÅIL etter nyttår ein gong.
Trimgruppa
TURAR DEI TO NESTE VEKENE:
Frå turen i juni, Rimstaddalen-Berstad
"Kvar vart det av frosken tru?!"
Solsikkevekene går av stabelen dei to neste vekene, og trimgruppa arrangerer i den anledning to fjellturar.
Tysdag 2.september klokka 18.00 går turen til Bekslehornet. Start på Beksle.
Søndag 14.september arrangerer vi familietur til Lisjevassætra. Meir informasjon om denne turen kjem på sida her etterkvart. Men set av datoen allereie no!
Trimgruppa.
TUR TIL STAURDALSEGGJA SØNDAG 29.JUNI 2008
Komande søndag har vi planlagt tur til Staurdalseggja.
Starten går i Sundalen ved/Laila og Nils Svastuen klokka 11. Turleiar vert Laila Svastuen.
Ved dårleg ver, vert turen avlyst (er du usikker så sjekk heimesida her om morgonen eller ring 90967436, Wenche)
Turen opp tek ca 2,5 timar.
Møt opp og få ein frisk start på ferien!!
Trimgruppa.
FLOTT FAMILIETUR FRÅ RIMSTADDALEN TIL BERSTAD!
Ungane studerar ivrig ein frosk...men ops, der hoppa han visst....
25 personar vart med på turen som gjekk av stabelen søndag 1. juni. På Åheim låg skodda lavt (som vanleg) men som vanleg skal ein ikkje reise så langt før ein slepp unna den. Jarle Hellebust køyrde oss med bussen både til Rimstaddalen, og henta oss på Berstad i Moldefjorden fire timar seinare.
Gerd Endestad guida oss langs heile ruta, og ho kunne fortelje både om futen i myra, bjørnar og andre ting som hadde foregått i traktene her.
Elles var det nokon som ufrivillig prøvde badelykka, nokre fann froskar og alle kosa seg med mat og drikke.
Ein kjekk tur!
Ligg linkar til fleire bilder under her (tek litt tid å få fram, man manglar rette programmet)
Kan elles minne om at søndag 29.juni er planen å arrangere tur til Staurdalseggja. Meir info kjem når det nærmar seg.
Trimgruppa.
FAMILIETUR 1.JUNI 2008.
Frå ein tidlegare tur på Staurdalsegga.
Den planlagde turen frå Rimstaddalen til Berstad (Moldefjorden) vert altså søndag 1.juni.
Bussen går 10.30 frå Olivinhallen.
Påmelding for dei som vil følgje bussen:til Wenche, tlf 90967436, snarast råd (først til mølla....).
Bussen kostar 50 kroner for vaksne og 25 kroner for barn.
Det er sjølvsagt høve for alle å vere med, om ein ikkje vil følgje bussen, eller ein må køyre sjølv fordi bussen vert full. Men då må ein ordne seg med køyring /henting sidan det er ulikt start- og sluttpunkt (eller gå tilbake igjen).
Turen tek ca 4 timar inkludert pauser og guiding.
Turledar vert Gerd Endestad frå Rimstaddalen.
Ta elles med mat og drikke og kle etter veret.
God tur!
Trimgruppa
| Forhånd.1...5678910Neste |
