Åheim serieopna mandag med 2-2 borte mot Gjerdsvika / Moltu etter å ha leia 2-0 til pause. Åheim opna kampen bra og spelte ein svært god fyrste omgang som burde ha ført til at kampen var avgjort til pause. I løpet av fyrste omgang brente Åheim heile 6-7 enorme sjansar. I andre omgang endra kampbildet seg totalt og Gjerdsvika / Moltu flytta laget langt høgare opp på bana. Baneforholda gjorde at det var vanskeleg og spele seg ut av forsvar noko som gjorde at Åheim sleit med å komme seg ut av eige forsvar. Gjerdsvika / Moltu var eit svært fysisk sterkt lag noko dei utnytta seg godt av i går. Etter utalligge lange ballar og innkast kom dei til slutt igjennom å reduserte til 2-1. Det var då spelt ca. 20 min av andre omgang. Når uret passerte 90 min fekk dei for vår del den sure utlikninga.

Altså en svært merkeleg kamp som til dei grader burde vore avgjort til pause. For Åheim ser det ut til at det rett og slett må trenast på å bli tøffare i duellar, noko som mangla totalt i andre omgang. Måla til Åheim vart scora av Torgeir Halsen og Sondre Hasund. Åheims beste spelar var keeper Lars Nerland Aahjem.