Ungdomsleikane er det same som før heitte Donald-Duckleikane og seinare ei stund Telenorleikar. Det er ein konkurranse mellom 13- og 14-åringane i alle fylka i Norge. 700 av dei beste ungdommane i landet i desse aldersklassene skal til helga konkurrere på tre stader i landet. Dei frå Møre og Romsdal skal altså til Trondheim i lag med utøvarar frå trønderfylka og Nord-Norge. Samtidig foregår det slike leikar på Sandnes i Rogaland og på Nadderud. Den beste i kvar øving tel i ein lagkamp mellom fylka. Det er også individuell utrekning, og kvar region vil ha ein fylkesstafett som avslutning.

Til saman er det utteke 30 utøvarar frå Møre og Romsdal til desse leikane, 15 gutar og 15 jenter. Kjetil og Kai-Robin er mellom ni gutar som er uttekne i 14-årsklassa. Kjetil er utteken på 60 meter, 600 meter og tresteg, medan Kai-Robin skal delta i spyd, diskos, slegge og kule. Det same gjeld Ole-Martin i 13- årsklassa. Vi seier tvi-tvi og lykke til!