Vilde med suverent løp
SETTE LØYPEREKORD: Far og storebror har forsvunne ut av bildet, men Vilde hang godt på Anders og Kjell og sprang inn til tida 13.07.
Vilde Hasund imponerte mest av alle og forbetra løyperekorden for kvinner med 37 sekund i det fjerde løpet i vinterkarusellen laurdag.
Leverandøren påstår det var nye Saucony-sko som gjorde utslaget, noko vi ikkje vil stå inne for, medan faren påstår det er hans gode kjøtkaker som gjer utslaget, noko vi heller ikkje kan stå inne for. Vilde flaug i alle fall fort og lett gjennom løypa og forbetra si eiga bestetid med 44 sekund og rekorden med 37 sekund. Fleire andre unge skar også mykje av sine bestetider.
Det stilte 53 deltakarar, og førstegongsdeltakar Nils Svein Hansen vann nyfiska torsk, så enkelte får bra utteljing på startkontingenten. Foreløpige resultat ligg under.
